جرح الزمن

تعلمت احظن جروحي بقلبي والحزن مشوار=تعلمت اكبت الدمعه وهي دايم تناديني
تعلمت ابكي لحالي وانا لحالي مع التذكار=اطير بشوق خفاقي وخفاقي على يديني
تعلمت اشكي الفرقا لمن يسمع صدى الاخبار=تعلمت اطوي احزاني على شانك بكت عيني
الم ذكراك ياقلبي تزايد في سماي اخطار=اغمض عيني واتخيل وجودك بس يكفيني
حياتي يا بعد روحي ترا شبت بقلبي نار=احاول حيل اطفيها والاقيها تطفيني
انا وش جابني يمك وصرت بلوعتك محتار=انا وش جاب خفاقي لحبك واسكنك فيني
دخيلك لا ترديني تراني بالهوى محتار=اضيع بثورة اشواقي ولاادري وين اوديني
تذكرت ايام الهوى والعشق والسمار=تذكرت ايام الغرام وكفك حاضن يميني
تذكرتك وصار الهم في قلبي ترا جبار=تذكرت المفارق كيف يتعبني ويشقيني
دخيل الله يا حبٍ ذبحني واصبح المختار=امانه يالخفوق انسى ترا والله مافيني
تعبت ابكي على الماضي عجزت انساك مهما صار=ترا حتى وانا نايم اشوفك دايم تجيني
عشقت اسمك وعنوانك ترا حتى عشقت الدار=عشقت امشي مسافاتك مع انك ساكنه فيني
عشقت اجيك مشتاقك والاقي الشوق عندك ثار=مثل بركان اهاتي اذا منه عبث فيني
عشقت احضن كفوفك حيل وقلبي ينشدك وش صار=بعد ما غبت عن عينك وغبتي يااجمل سنيني
عشقت اناظر عيونك يوقف عندها المشوار=واقول الله يسعد لي عيونك كم طغت فيني
وف نهاية مسافاتي ومشاويري بقى التذكار=ورحلتي يابعد عيني وانا وحدي تركتيني
وانا ما قول غير الله يوفق قلبك اللي طار=وراح لناس تكرهني ولا حتى تدانيني
بقيت لوحدي اتألم سكن بالقلب جمر ونار=ولحدٍ قال وشحالك ولحدٍ جا يواسيني
فمان الله ياحبٍ رحل عني وترك تذكار=فمان الله ياعشقٍ ترك دمعي على يديني
ابترك حبك يسافر وابنهي عندك المشوار=على الله يلتئم جرحي لو ان الحال مبكيني

لكم ودي وتقديري